所属类别：情感

点 击 数：4

文章回复：0

文章作者：cherry樱桃子

特别推荐：免费发布信息 承包关键词~~抢爆了！^HOT!

今日下午，唔想再对住部电脑了，好辛苦。

于是决定出去行下，其实我唔G自己想去边。

去三禾吃完嘢之后，一出嚟就见到嗰公交站站牌，发现上面有197路车嘅路线，

于是，就打算去华工 & 华农。

其实我好眼

瞓，系车度已经先咪埋眼瞓觉了。

系华工站落咗车，于是就先行咗去华工。

仲记得我第一次嚟华工嗰阵嘅情形，明明系要去北区面试嘅，却去咗南区。-___-

我仲记得系系呢个位置（麟鸿楼嘅前面)见到嗰个好热心帮我嘅男仔噶。

佢好热心咁教我要点去北区，仲亲自带到我去搭校内bus嘅车站嗰度，

明明佢系要去反方向噶，其实我哋企嘅嗰度离bus站系好近。

不过，今次去冇再有缘见翻呢个人。

虽然我已经唔系太记得佢个样，不过如果比我见翻嘅我会认得噶。

因为惊又荡失路，所以都唔敢行得太远。

都系系南区呢附近兜咗个圈咁。

唔G系咪最近好多人要去面试，见到好多西装友。

其实，今次系我第二次去华工咋。

之后，行翻出嚟，去咗华农。

今次系我第四次去华农。

第一次好似系今年2月定3月嗰阵去嘅，系阿聪带我去噶，仲去埋男生宿舍添。

第二、第三次系去搵表妹。

第四次系我自己一个人去嘅，冇搵表妹，唔想阻住佢做嘢，反正我都系打算随便行下。

我今次其实都系去翻佢哋之前带我去过嘅地方，

因为未去过嘅，我自己一个唔敢去，费事又荡失路要人救我就唔好啦。

我好叻女，竟然识得行到表妹宿舍嗰边，冇荡失路。

之后，系宿舍嗰边行翻出嚟，准备走了。

点G行到呢度前面嗰个路口嗰阵，比我见到好激嘅场面，搞到我鬼咁尴尬。

呢度前面有2条路，我唔G左边嘅路系去边嘅，因为我次次嚟都系行右边嗰条路翻出去嘅。

正当我想行去右边嗰条路嗰阵，发觉前面有一对男女系度激吻。

016 要Kiss嘅都搵个隐蔽D嘅地方啦，或者去第度啦，何解一定要系我行翻出去嘅嗰条路度Kiss嗟，

尴尬得我吖~~

搞到我都唔G究竟点，企系原地谂咗大概10秒左右，

最后都系决定行左边嘅路睇下可唔可以行翻出去，

正当我准备行去左边嗰阵，眼角嘅余光见到佢哋终于分开了，

呼~~~ 终于可以唔使我行唔识嘅路了，又企咗几秒，然后以尽量快嘅步行速度经过佢哋。

就嚟行到翻出嚟嗰阵，天色已经暗了。

行行下，我唔G要系包包度搵D咩了，

低头边搵边行，差D又发生意外，

我再行多一步就会成个人撞埋去呢棵树度。

好彩，行行下，好似觉得前面有嘢咁，及时刹住，冇造成意外，

如果唔系嘅话，丑S怪了（因为系我后面有人）~~

....